ل ڕۆژا چارشەمبێ، ڕێکەفتی ٢٠٢٦/٥/٦، ب سەرپەرشتیا ڕێزدار (پ.د. دیار عبدالکریم سعید) سەرۆکێ زانکۆیێ، و ب ئامادەبوونا ئەندامێن لیژنەیا بلند کو پێکهاتبوون ژ:
• ​پ.هـ.د. جاسم محمد عبدو: هاریکارێ سەرۆکێ زانکۆیێ بۆ کاروبارێن زانستی و خواندنا بلند.
• ​پ.د. محمد حسن خمو: هاریکارێ سەرۆکێ زانکۆیێ بۆ کاروبارێن کارگێری و دارایی.
• ​پ.هـ.د. رمضان جعفر مصطفی: هاریکارێ سەرۆکێ زانکۆیێ بۆ کاروبارێن قوتابیان.
• ​پ.هـ.د. نزار عصمت علی: ڕێڤەبەرێ پەیوەندیێن ناڤدەولەتی.
​کۆمەکا هەڤپەیڤینێن زانستی لگەل ئەو قوتابیێن پێشکێشی پرۆگرامێن لێکگۆهارتنا قوتابیان بۆ وەلاتێن ئیتالیا و ئەمریکا کرین، هاتنە ئەنجامدان.
​د ڤێ ڕوینشتنێ دا، لیژنەیا ناڤبری ژ نێزیک هەلسەنگاندن بۆ ئاستێ زانستی، زمانێ ئینگلیزی، و شیانێن کەسایەتی یێن قوتابیان کر. ئارمانج ژ ڤان هەڤپەیڤینان هەلبژارتنا شایستەترین قوتابیانە بۆ نوونەراتیکردنا زانکۆیێ د ناڤەندێن زانستی یێن ناڤدەولەتی دا.
​ل دووماهیێ، پشتی تەمامبوونا پرۆسەیا هەلسەنگاندنێ و ڤاڤارتنا ئەنجامان، ناڤێن قوتابیێ وەرگرتی دێ ب فەرمی ل سەر ئاستێ پشکێن وان یێن خواندنێ هێنە ڕاگەهاندن.